Duang With You Series​

Dumalo ang art student na si Duang sa freshman party kasama ang mga kaibigan, at nahulog ang loob kay Qin—isang jazz major na may reputasyon sa katarayan.

Palpak ang lahat ng planong mapaamo ang pusong-batong si Qin. Payo ng mga kaibigan ni Duang, magpakatotoo siya—kaya sinunod na lang niya ang puso at nagbigay ng regalo.

Tumanggap si Duang ng malaking assignment matapos malamang makakatambal niya sa show si Qin. Pinatunayan ng dalawa na mali ang karibal nilang duo na nang-aasar sa kanila.

Habang todo-practice sa sayaw si Duang, dumating naman ang isang malapit na kaibigan ni Qin—kaya napaisip siya kung may patutunguhan pa ba ang kanyang panliligaw.

Nagsimulang magbago ang gawi ni Qin nang makita niyang napalapit si Duang sa isang babae sa photo shoot. Matapos ang magulong gabi, nagising si Duang sa kuwarto ni Qin.

Sa matinding laro ng basketball, napilayan si Qin. Gusto ni Duang na gumanti, pero hinikayat siya ni Qin na ituon ang pansin sa kanilang showcase at puspusang mag-ensayo.

Habang lalong tumitibay ang kanilang pag-iibigan, nagselos si Qin nang bumiyahe si Duang kasama ang mga kaklase. Gumawa siya ng paraan para mabawi ang atensyon nito.

Gumaan ang loob ni Duang matapos silang magkaayos, pero nang subukang bawiin ni Tiw si Qin, may narinig siyang hindi maganda kaya agad siyang umalis.

Habang papalapit ang jazz showcase, nilalabanan ni Qin ang takot niyang kumanta, habang nagpupuyat si Duang sa paggawa ng banner para palakasin ang loob nito.

Matapos gawing opisyal ang relasyon nila, halos maubos ang ipon ni Duang sa mamahaling regalo. Bilang kapalit, ibinahagi ni Qin ang masakit na alaala ng kabataan niya.