Pulang Araw

Habang nakikipaglaban, sinulatan ni Eduardo ang kapatid niyang si Adelina mula sa kasagsagan ng digmaan, na nagpaalala naman tungkol sa masaklap nilang kabataan.

Noong 1930s, natuklasan ng batang Adelina ang mundo ng vaudeville—at ang tunay na pagkatao ng ama niya. Sa gitna ng pag-iisa, nakita niya ulit ang isang dating kaibigan.

Habang nangangarap ang batang si Adelina na magtanghal sa teatro ni Julio, napahamak siya sa asawa nitong si Carmela—pero dumating kaagad si Eduardo para tulungan siya.

Unti-unti nang nagkalapit sina Adelina at Teresita matapos silang turuan ni Julio ng tap dance. Nasindak si Eduardo nang paslangin ng tropang Amerikano ang isang rebelde.

Nang tupukin ng sunog ang teatro ni Julio, desperado siyang humingi ng tulong para maitayo itong muli. Nagbigay si Hiroshi ng taos sa pusong regalo.

Nalaman ng pamilya na basta na lang sila iniwan ni Julio. Habang nagdurusa sa paglisan ng ama, nakaramay ng magkapatid na babae sina Eduardo at Hiroshi.

Pumunta si Hiroshi sa Japan, at nangako ang magkapatid na bubuhayin ulit ang teatro. Sinikap nilang tuparin ang pangarap na magtanghal habang nagbabadya na ang digmaan.

Itinuloy nina Adelina at Teresita ang pagteteatro nang hindi alam ni Carmela, pero makakalusot kaya sila? Nag-aalangan si Eduardo na magtapat ng tunay na nararamdaman.

Sa kabila ng mga banta ni Carmela, tumuloy pa rin sa audition ang magkapatid para itanghal ang bago nilang palabas. May tinanggap naman si Chikara na kakaibang bisita.

May irereto si Carmela kay Teresita at ibinenta niya ang teatro ni Julio labag sa gusto ng magkakapatid. Ipinagtanggol ni Eduardo si Adelina, pero napahamak lang siya.