Gyeongseong Creature

Nang magipit sa pera, pumayag si Jang Tae-sang na maghanap ng nawawalang tao—pero may dalawang aninong nakabuntot sa kanya. Isang kababalaghan ang lihim na nangyayari.

May nalaman sina Yoon Chae-ok at Yoon Jung-won tungkol kay Myeong-ja, at napadpad sila sa ospital. Doon, nakulong sila dahil sa kalamidad at nabahala naman si Tae-sang.

Balak ni Tae-sang na pasukin ulit ang ospital, pero nalaman niyang nasa malapit lang si Ryu Sachimoto. Sa ospital, buwis-buhay ang plano nina Chae-ok at Jung-won.

Nagkasama na ulit sina Tae-sang at Chae-ok sa paghahanap kay Myeong-ja, at sinubukan nilang iligtas ang iba pang survivors. Pero di-nagtagal, nambulabog na ang halimaw.

Matapos makaharap ang halimaw, nahuli sina Tae-sang at Chae-ok. Isa sa kanila ang may planong tumakas, at isa naman ang balak na manatili para hanapin ang mahal sa buhay.

Desididong manatili si Tae-sang para sagipin si Chae-ok at ang mga bilanggo. Habang hinahanap ang nanay niya, nalaman na ni Chae-ok ang totoo—at hinarap niya ang halimaw.

May 10 minuto lang sina Tae-sang at Chae-ok para iligtas ang lahat. Pero nang malapit na silang magtagumpay, isa sa kanila ang baka hindi na pala makalabas nang buhay.

Isang di-inaasahang kakilala ang nakatulong kay Tae-sang paalis ng ospital. Matapos na magkita ulit, nakaharap nina Tae-sang at Chae-ok si Myeong-ja na nagbagong-anyo na.

Pagkatapos ng sunod-sunod na malagim na patayan, nakita ni Ishikawa si Myeong-ja sa bago nitong anyo. Malambing kay Tae-sang si Chae-ok, pero may lihim pala siyang plano.

May plano sina Tae-sang at Jung-won para mailigtas si Chae-ok at matigil na ang kasamaan. Pero nang mukhang maayos na ang lahat, dumating si Yukiko Maeda para manggulo.